飨享眷村餐厅

呢间台湾小吃店霖左好耐，第一次中午去仲系新民街，问有无饭？无，得饺子。走人。 第二次去，搬左去梅园西石榴仓，行入去到笃笃。店面比新民街个间大，位置多，有几台客。 不过里面d信号唔掂，移动变成2G，即系无。转翻个电信卡，有翻4G。一个人既晚餐（全场貌似得我食饭，其它都系饮嘢食小吃），要个最平既香菇肉燥饭（配紫菜汤），加个热烧仙草，事实证明点个饭+甜品食到扶墙啊。 点解要香菇肉燥饭，因为最平，分量肯定最少，不过上台一睇，比系台湾食既肉燥饭要多啊，分量起码多左一半，可见大陆同胞食量大！食一羮先，酱汁一入口，系甜既，食多几啖，有辣味，唔似辣椒，系胡椒辣，所以佢既肉燥汁系甜辣甜辣，唔同我系台湾食个仲偏咸唔辣。卤蛋过得去。饭有得剩，因为我要食甜品。 第一次食热烧仙草。用纸杯上，俾个胶羮我食，不过长柄胶羮软籁籁，唔够力深挖底下d料洛。上面系椰浆+热烧仙草+淮盐花生，下面有一旧芋头,好粉好粉。糯米丸，4粒，食2粒惊难消化唔敢食得多。仲有底底d冻红豆沙。 全部25蚊，好饱好饱。仲有盐酥鸡未试啊。

相当赞的台湾菜餐厅在这里还能够喝到很正宗的台湾啤酒，里面的很多东西做的都相当的不错，算是广州这边比较好吃的台菜餐馆了，性价比也比较的高。