丰圆轩粤式茶楼(广源店)

丰圆轩粤式茶楼(广源店)点评(2条点评)

写点评

3/5分: 口味 3.0; 环境 4.0; 服务 4.0

hj****70

从雕塑公园正门落山，行十几分钟就到丰圆轩广源店，中午11点几到店，位置仲有唔少，不过到12点就要等位。好好彩坐到山水池边观景位，唔喺间间分店都有水池架。
天鹅榴莲酥，一碟3只，对于4个饮茶既人藜讲注定一个无得食——我咯，油炸点心，里面榴莲馅，25蚊性价比一般。
红米脆皮肠，话喺新出品，8件，里面包虾肉脆皮，配花生酱同喼汁，我比较欢喜喼汁，可以解解红米肠既油腻，不过里面包住既脆皮稍微硬d。
小榄粉果仔。喺其它分店食唔到，呢间终于有货，1笼6只，分量其实算喺潮州粉果一半大细，有咩馅，红萝卜猪肉花生，感觉无潮州粉果甘丰富，有d失望哦，而且澄面皮蒸得有d过左。
拉丝南瓜果，上菜个时有d意外——意外细只，1碟4只仔，象形点心，造型唔错，味道呢？里面喺芝士粒，唔热唔冻，有d黏口，好一般。
XO酱萝卜糕，炒萝卜糕，有红萝卜洋葱酱料一齐炒，喺其它店食过觉得唔错，于是再点，唔会好辣，惹味！
京葱锅煎包，一份4个，不过喺其它分店点喺用个铁锅煎透上，上菜个阵仲喺吱吱声。不过呢度上喺用个平底锅装住，唔热，下面垫底京葱仲要唔熟，无红萝卜洋葱，有d失落啊。
五香芋香糕，6条，最上面2条划满花生酱，煎得几香，芋丝够粉。
盐水菜心，点左个例牌菜心，4个人食啊，菜心清淡脆嫩，上面有d头菜丝同辣椒丝，想重d口味就夹埋一齐食啦。
4
2021-04-20 有用（0）