旭璟酒家(逸景路店)

旭璟酒家(逸景路店)点评(37条点评)

写点评

3.3/5分: 口味 3.3; 环境 2.7; 服务 2.7

hj****70

#冬令进补好时节过年旭璟茶市照旧，依然大厅免茶点心68折，真系最实惠啦。
鲜竹蒸肉丸，三粒大大既猪肉丸，加左梅菜同虫草花，感觉食肉饼饭啊。
招牌雪山包，上次食过觉得唔错，今次更加好……更加新鲜热辣辣，老人家话里面d叉烧馅多左窝。
鲜虾蒸烧麦，四只干蒸上面有只虾，不过可能为咗虾肉黏住干蒸，加左厚厚既芡浆“固定”住，个人唔欢喜呢坨芡。
翅汤小笼包，里面无咩汤汁，不过猪肉同姜蓉做既肉馅好好食啊。
埋单50蚊都唔洗，自行车都唔需要啦。
展开更多
2022-02-20 详情举报有用（1）

_in2****3229

好吃好好好好好好好好好好好好吃，价格实惠
展开更多
2016-11-07 详情举报有用（1）

hj****70

已经几耐无黎旭璟咯，假期中午过黎，发现大厅d细台无晒？全部都系大圆台，4人细台摆晒去功夫茶厅个边啊，但系服务依然无变，台上茶壶都无洗，要去其它台换一套，茶杯又系甘，睇下张点心单，已经无左免茶位呢个优惠，功夫茶3蚊一蚊啦，但系点心仲系68折。
大厅d大台有无人坐，旅行团顶晒啊。啱啱撞到同旅行团一齐到，所以落左单等左半个钟先上第一个点心，人地旅行团出菜先。
香煎芋丝饼同碧绿香茜饺都系一样水准，新点心广式蟹柳小笼包，蟹柳食唔到，就系姜粒多。最后系豉油皇鸡脚，好霖但系等左45分钟有多咯。功夫茶厅环境比较逼，无外面大厅甘开阔咯。埋单50几，价钱依然平，唔少客黎食团购餐啊。
展开更多
2023-07-01 详情举报有用（0）

hj****70

#给你看看我的旅行攻略又黎旭璟饮茶啦，中午12点好旺下，人手不足所以等人执台，杯碗冲水菜单通通系自己动手，就系落单先搵店员。连送餐机器人开过黎，都系自己去挪餐。
豉油皇鸡脚，5只细鸡脚，煮得够霖够入味，点佢全因为系要食下面个炸面肠。
葱花炸脆肠，上次食过觉得唔错，俾肉肠粉好，于是今次再点，8段，薄薄既肠粉裹油条，今次d油条比上次更加脆喔，就系豉油少d，所以点豉油鸡脚个碗，甜豉油唔咸，好食。
牛仔骨拼排骨，牛仔骨捞左黑椒，辣啊，排骨唔韧，两样肉下面都有芋头垫底。
泮塘马蹄糕，三片厚厚，口感扎实又爽，几好食。
爽滑双丸拼，虫草花猪肉丸+牛肉丸，牛肉丸粉多而且唔新鲜，咬左一啖就唔想再食，夏天唔多想食甘多肉。
埋单打68折免茶，65蚊依然系平啊
展开更多
2022-09-25 详情举报有用（0）

hj****70

#遇见中国之美雪山包饼蛋挞，包同蛋挞各两个，都系热辣辣架，蛋挞就细只d，2个人食每样都有一件，啱啱好啊。
葱花炸脆肠，就系炸面裹肠粉，里面既炸面几香口，唔会霖席席，就系豉油少d，好在个碟豉油鸡脚可以点。
香煎芋丝饼，今次呢碟好似大件d喔。
鲜虾炸春卷，3条新鲜炸起，原价先9蚊鸡，所以唔好期望有好多料俾你，虾仁一小粒。
豉油皇鸡脚。鸡脚比较细只，但系煮得够霖，咬下鸡脚啦。
埋单先51，仲可以打包，性价比一流。
展开更多
2022-08-27 详情举报有用（0）

hj****70

#端午开心物语
韭菜煮猪红，无濑粉改成猪红，汤底落重胡椒粉，天气冻食左暖笠笠。
药膳鸡脚，一碗有5只，煮得好霖，药膳汤底有咩？红枣杞子沙参，但系食落又唔会好重药材味。
马蹄牛肉肠，肠粉皮拉得几好，肉馅有牛肉芫茜马蹄，分量几足，甜豉油唔会咸，唯一既问题系唔热。
芝士牛柳酥，3只一碟，外面系甜甜地既酥皮，裹住牛肉，不过牛肉口感有d类似外面卖个种即食牛肉条，而且捞左好多黑椒粒，辣啊，个人唔多欢喜。
佰花鸳鸯卷，猪/牛肉馅包住蟹柳，外面用紫菜卷住，蒸好后淋蛋白芡。确切讲应该系猪肉蟹柳紫菜卷拼牛肉蟹柳紫菜卷。
照旧系免茶打68折，基本系自助饭堂甘样，皆因埋单先57蚊，唔敢提咩要求既美食啦。
展开更多
2022-06-02 详情举报有用（0）

hj****70

#快乐重启计划碧绿香茜饺，4只，里面加左d马蹄粒所以口感比较爽脆，芫茜味好浓郁。
鲍汁鲜竹卷，3件，佢既卷先炸后再蒸，所以腐皮食起身香口。
香煎芋丝饼，3件睇起黎无咩特别，但系芋丝非常多，有海味，啖啖都够晒粉。
萝卜焖牛腩，萝卜好霖入口就化，牛腩有d辣，酱汁煮得太稠，咸又辣，如果配汤面食就唔错啦。
免茶打折先52蚊，不过d点心一齐上，感觉系做好后等放满一个点心车先推出黎，所以唔系好热咯，人手不足啊。
展开更多
2022-05-14 详情举报有用（0）

hj****70

#寻味之旅今年第一次黎旭璟，发现店员又换左一批人，不过增加左一台送餐机器人，非常多嘢讲，每次出餐都讲一轮先走。而且靠近收银台个度做埋快餐？2肉一菜12蚊一个饭盒，最贵4肉一菜18蚊，价钱就几抵食辣。
招牌雪山包，3只，唔算好热，不过口高依然好喔，外面脆里面软，虽然叉烧馅少d，但系甘酥脆真系要推荐！
绿茶甜薄撑，4件仔，薄撑皮做得唔好，口感好硬下，加多d糯米粉会好d。唔推荐。
烧鹅濑粉，几大碗下，3旧肉，仲有d火腿粒冬菇葱花，濑粉几松软，汤底好浓既胡椒味，可以一直饮晒佢，呢个濑粉推荐！
依然自己全程冲茶自助服务，埋单先35蚊，比食饭盒平啊。
展开更多
2022-04-14 详情举报有用（0）

hj****70

#念念不忘的2021 旭璟西式双拼，就系红豆酥同叉烧酥各2件，酥皮一样材料，里面d馅唔同而已，觉得红豆馅好食过叉烧馅，可能无甘油腻挂。
鲜竹牛肉丸，肉质唔会好多粉，三粒大大只既牛肉丸，里面有肥肉啊。
三丝炒面，大大一碟，炒面比炒粉无甘挂油，所以食落会清d，韭菜韭黄火腿丝，今次做好就上唔洗等，锅气够晒。
白灼菜心，分量好够喔，而且条条菜远，一d渣都无啊。
今次去可能客唔多，所以上菜特别快，而且唔洗等转满一车就推出黎上菜，碟碟都新鲜，打折埋单先47，老人家都当呢度系饭堂咯。
展开更多
2022-01-01 详情举报有用（0）

hj****70

#冬令进补好时节黄糖松糕，3件蒸点，口感依依韧韧，感觉松糕唔系爽口d咩，呢笼糕有d似马拉糕喔。
煎韭菜饺，虽然系三只但系外脆内饱满，馅料一d都唔马虎。
白灼菜心，好抵食既菜心，条条菜远够嫩够脆。
金牌烧鹅，29一例，大概系六分一只鹅，俾左下装我地，无头无颈件件都系肉啊，虽然唔系新鲜热辣辣上黎，但系肉质都可以，俾左酸梅酱食唔油腻。
三个点心有得打折，埋单60蚊都唔洗，抵食都不得了。
展开更多
2021-12-02 详情举报有用（0）

有点意思005

非常中规中矩的选择，不会出错，当然也不会有什么惊喜
展开更多
2021-11-21 详情举报有用（0）

hj****70

<ctag id="138678" type="4" businesstype="0">#一起吃饭吧</ctag> 放假黎旭璟饮茶，依然有68折，灰常实惠。
旭景三色拼，蛋挞红豆酥叉烧酥各2条，感觉系做好左有客点就加一加热，暖暖地而已，皮酥，第一个上俾肚饿既我地扫清光，其实呢碟分量可以算2份点心，因为食完都有7分饱。
豉油皇鸡脚，豉油唔会好咸，鸡脚霖，就系有d细只。
啫啫牛腩猪肠粉，今次既酱汁偏咸偏辣，酱汁煮得太耐，最后都食唔到。
展开更多
2021-11-13 详情举报有用（0）

王大拿李丁一

非常中庸，但同时选择它也很少出错。
展开更多
2021-11-06 详情举报有用（0）

hj****70

<ctag id="109665" type="4" businesstype="0">#中秋国庆出游打卡</ctag> 韭菜煮猪红，汤底依然甘辣，胡椒真系够重手啊。
泮塘马蹄糕，点呢个甜点中和下d辣猪红，有马蹄所以糕几爽口，又唔窿。
煎韭菜饺，师傅煎完马蹄糕再煎饺子……因为饺子皮上有马蹄糕粒粒，皮薄煎得又脆，馅够晒饱满，四个点心呢个最好啦，连食2只。
啫牛腩猪肠粉，比蒸就多，牛腩焖得够霖，仲有菜远，不过酱汁就辣d咯。
埋单先36蚊，唔食装修唔食服务，就系饭堂性价比。
展开更多
2021-09-27 详情举报有用（0）

hj****70

听人讲系上涌有间旭璟酒家，食饭饮茶几平下，于是周末中午搭车过黎上涌，再转过黎逸景路，酒楼可以从逸丰酒店大堂个部电梯上5楼，唔通系酒店既餐厅？
12点到，人唔多，不过陆陆续续都有客开位食饭。2个人饮茶啦，菜单一睇原来大厅免茶位，不过房间同功夫茶座就要收茶钱啦，服务员唔多，可能系甘所以大家都好鬼自觉去开水炉自己打水冲茶，等店员开单落单上菜。
点心全天6.8折，特价菜牌最贵系虾39蚊，鸡鹅30蚊有找就一碟啦。唔知道佢咩分量，就划左4个点心，15分钟就上晒。
荔湾艇仔粥，材料一般般多，炸花生几多下，不过点解无鱼片反而有牛肉？但系先13蚊碗未打折喔，比老银抵食得多啦。
韭菜煮猪红，大大一兜原价9蚊鸡，猪红几滑下，不过汤底好辣，老人家话除左胡椒可能加左辣椒。
排骨拼凤爪，最贵呢个超点21蚊，凤爪够晒霖，最好食既系排骨下面既芋头，粉到不得了，双拼同单点一个点心一样价。
牛腩猪肠粉，又系一个9蚊鸡既蒸点，装粉既碟几深下，牛腩唔系好多，酱汁有辣，但系9蚊鸡还想如何啊。
黎食饭既多数系附近住既村民，后生d既都会去个隔离商场消费，但系呢处真系实惠——4个点心免茶打折后先35蚊，即系平均一个点心都唔洗10蚊鸡，老人家话茶餐厅单人套餐都无呢个价啊。楼下就系公交车总站，食完就坐车翻归。
展开更多
2021-08-01 详情举报有用（0）